ტრენინგის მეცხრე დღე

  ინტელის ტრენინგი დასასრულს მიუახლოვდა. დღევანდელი დღე განსაკუთრებით დატვირტული იყო. შევაჯამეთ გავლილი რვა დღის სამუშაო.  გადავხედეთ შესწავლილ საკითხებს და მოცისმინეთ ერთმანეთის პრეზენტაციები.  თითოეულმა მონაწილემ წარმოადგინა თავისი პროექტი, ისაუბრა მის აქტუალურობასა და იმ აქტივობებზე რომელთა განხორციელებასაც გეგმავს პროექტის მსვლელობისას. გავაკეთეთ კომენტარები და ერთმანეთს ვუსურვეთ წარმატებები. ინტელის ტრენინგზე პრეზენტაციების შემდეგ ვისწავლეთ ბლოგზე გვერდების ჩასმა, დასათაურება და შეცვლ, ლინკის მიბმა მისამართის საშუალებით და ბევრი სხვა წვრილმანი, რომლებიც გამოგვადგება მუშაობის პროცესში. ასევე, გავეცანით სხვადასხვა ტიპის დიაგრამას და მათ გამოყენებას სასწავლო პროცესში და კვლევის დროს. 
    მინდა დიდი მადლობა გამოვხატო ქალბატონი ქეთის მიმართ, რომელმაც არ დაიშურა ცოდნა და ენერგია, რათა თითოეული მონაწილისათვის აეხსნა და გაეზიარებინა ის გამოცდილება რომელიც მას გამოარჩევს როგორც თავისი საქმის პროფესიონალს. ტრენერი ითვალისწინებდა ყველას ინტერესებს და ენერგიულად პასუხობდა თითოეულ შეკითხვას. აქ მიღებულ ცოდნას სამომავლოდ აუცილებლად გამოვიყენებ  პირად პრაქტიკაში. რაც, საბოლოო ჯამში სწავლა-სწავლების პროცესს საინტერესოდ და ნაყოფიერად წარმართვას შეუწყობს ხელს.

ტრენინგის მერვე დღე

   ტრენინგის მერვე დღე გამეორებით დაიწყო. დავათვალიერეთ ჩვენი პროექტის გეგმა, რის შემდეგაც ტრენერი გვესაუბრა ფასილიტაციის მნიშვნელობაზე და გაგვაცნო ფასილიტაციის ნიმუშები. შემდეგ დამოუკიდებლად გავაკეთეთ პროექტის პრეზენტაცია მოსწავლეებისათვის, რათა მოსწავლეს გაუადვილდეს მუშობის პროცესი. პრეზენტაცია ითვალისწინებს გზამკვლევს მოსწავლეებისათვის. 

  მოვაწესრიგეთ საქაღალდეები და მოვამზადეთ ბლოგზე ასატვრთად. ტრენერმა აგვიხსნა სიის გაჯეტის გამოყენება და ჩვენი საქაღალდე ავტვითეთ ჯერ დრაივზე და შემდეგ ბლოგზე.

  ტრენინგი როგორც ყოველთვის დატვირთული და საინტერესო იყო, რისთვისაც უღრმესი მადლობა ქალბატონ ქეთის.

ტრენინგის მეშვიდე დღე

   ტრენინგის მეშვიდე დღე გამეორებით დავიწყეთ. გადავხედეთ ჩვენს საქაღალდეებს და შესრულებულ პრეზენტაციას. შემდეგ ტრენერი გვესაუბრა მოსწავლეთა ინდივიდუალური საჭიროების გათვალისწინების მნიშვნელობაზე და გაგვაცნო დავალების ტიპები. ამის შემდეგ ჩვენც შევქმენით ასეთი მოსწავლისათვის ერთი ნიმუში.
   მომდევნო ეტაპი იყო პროექტის გეგმაზე მუშაობა, ავღწერეთ პროექტის მსვლელობა, პროცედურები გამოვყავით ეტაპებად, ავღნიშნეთ პროექტისთვის საჭირო რესურსები.
   ტრენინგი როგორც ყოველთვის საინერესო და ნაყოფიერი იყო.

ტრენინგის მეექვსე დღე

ტრენინგის მეექვსე დღე, ჩვეულებისამებრ, გამეორებით დაიწყო. გადავხედეთ ჩვენს ბლოგებსა და გაჯეტებზე ვიმუშავეთ. შემდეგ ტრენერმა აგვიხსნა, თუ როგორი გეგმის მიხედვით უნდა შექმნას მოსწავლემ პრეზენტაცია პროექტზე მუშაობის დასრულების შემდეგ.  რა მითითებები უნდა გავითვალისწინოთ, რომ სლაიდები სწორი თანმიმდევრობით დავალაგოთ. სანიმუშოდ გვაჩვენა თავისი პრეზენტაცია და შევუდექით მუშაობას. პრზენტაციის დასრულების შემდგ დავუბრუნდით პროექტის გეგმას და გავეცანით, როგორ უნდა აღვწეროთ პროექტის მომდინარეობა, ყველაფერი უნდა იყოს დროში გაწერილი და ყველა ეტაპი თვალსაჩინოდ წარმოდგენილი. შემდეგ ვიმუშავეთ შეფასების რუბრიკებზე და გავეცანით სხვადასხვა ტიპის რუბრიკას, რომელთაგან ავარჩიეთ ჩვენთვის საჭირო და გამოსადეგი. მივიღეთ საშინაო დავალება, მოვიფიქრეთ ჩვენ მიერ არჩეული პროექტისათვის შესაფერისი  მიმდინარეობის პროცესი.

ტრენინგმა საინტერესოდ და ნაყოფიერად ჩაიარა.

ტრენინგის მეხუთე დღე

  როგორც ყოველთვის დღევანდელი დღე ძველის გამეორებით დავიწყეთ. შემდეგ გადავედით ახალ მასალაზე და გავეცანით პროექტის პორტფოლიოს პრეზენტაციას. ავაწყვეთ სლაიდები, მოვუნახეთ დიზაინი, სურათები და შესაბამისი ტექსტები, რომლებიც პროექტის მსვლელობას ასახავს. ტრენერმა გვაჩვენა სხვადასხვა პროგრამებში აწყობილი საინტერესო პრეზენტაციები და გვესაუბრა პრეზენტაციის შეაფასების კრიტერიუმების შესახებ, შემდეგ გავეცანით საავტორო უფლებებს და გამოყენებული ლიტერატურის მარტივ შაბლონებს. გავეცანით MLA, APA ფორმატს, ლიტერატურის დამოწმების წესებს, ასევე როგორ შევიტანოთ გამოყენებული ვებგვერდის მისამართი დამოწმების დროს. შევქმენით მოსწავლის ბლოგები, ვისწსვლეთ, როგორ ვიმუშაოთ დიზაინზე, ახალი პოსტებისა და კომენტარების ჩანაწერებზე. როგორ შეიძლება შევცვალოთ ბლოგის სათაური.

    გავეცანით გვერდის გაჯეტების შექმნას და გაჯეტებში სურათების ჩასმას.

     მადლობა ქალბატონ ქეთის საინტერესო ტრენინგისათვის.

ტრენინგის მეოთხე დღე

ტრენინგის მეოთხე დღე შესწავლილი მასალის გამეორებით დაიწყო. შემდეგ განვიხილეთ შეფასების სხვადასხვა მეთოდი და შეფასების სტრატეგიები, თუ როგორ შევაფასოთ პროექტი. გავეცანით დროში გაწერილ შეფასების გეგმას, თუ რა მიზანს ვისახავთ შეფასებისას, რომელ მეთოდს ვიყენებთ და რა არის შეფასების ინსტრუმენტები.  როგორ უნდა დავგეგმოთ შეფასება პროექტის მიმდინარეობის პროცესში  (დასაწყისში, მიმდინარეობის დროს და დასრულების შემდეგ).

მადლობა ქალბატონ ქეთის საინტერესო დღისთვის.

ტრენინგის მესამე დღე

ტრენინგის მესამე დღეს გავიმეორეთ უკვე შესწავლილი მასალა და ვიმუშავეთ პროექტის გეგმაზე. სასწავლო პროექტის დაგეგმვისას ტრენერმა გაგვიმარტა, თუ როგორ უნდა  განვსაზღვროთ მიზნები სტანდარტებთან შესაბამისად. ვიმუშავეთ მიმართულების მიმცემ საკვანძო კითხვებზე. ასევე, გავეცანით განახლებულ ბლუმის ტაქსონომიას, რომლის გათვალისწინებითაც შევადგინეთ ზოგადი, თემატური და შინაარსობრივი კითხვები.
ტრენინგი, როგორც ყოველთვის, საინტერესო და შედეგიანი იყო.